Izraeli është tashmë në një luftë shumëfrontëshe me Iranin dhe aleatët e tij, ka deklaruar kryeministri Benjamin Netanyahu.

Ai i bëri komentet teksa Shtetet e Bashkuara dhe aleatët po bëhen gati të mbrojnë shtetin hebre nga një kundërsulm i pritshëm pas vrasjes së liderëve të Hamasit dhe Hezbollahut.

“Irani dhe përfaqësuesit e tij duan të na rrethojnë në 7 fronte. Agresioni i tyre është i dukshëm, por Izraeli nuk është i pashpresë. Ne jemi të vendosur t’u bëjmë qëndresë në çdo front, në çdo zonë, afër dhe larg. Kushdo që vret qytetarët tanë, kushdo që i bën keq vendit tonë do të mbahet përgjegjës dhe do të paguajë një çmim të lartë”, deklaroi Netanyahu.

Teksa frika për një luftë rajonale rritet, qeveria franceze u bëri thirrje shtetasve të saj që të largohen nga Libani sa më parë. Shumë prej tyre janë parë teksa kanë mbërritur në aeroportin e Parisit.

“Është një atmosferë shumë toksike, shumë e rrezikshme. Mediat flasin për gjithçka, se do të ketë luftë dhe sulme në Liban”, tha njw qytetar i larguar nga Libani.

“Jam shumë e shqetësuar. Nuk e dimë se çfarë do të ndodhë, se si do të shkojnë gjërat, por po lutemi që të shkojnë mirë”, tah njw tjetwr qytetare.

Edhe vende të tjera kanë bërë të njëjtën gjë, duke thirrur qytetarët e tyre.

LEXONI GJITHASHTU:

• “Po gërmoni varrin tuaj”- Shefi i Gardës Revolucionare iraniane kërcënon Izraelin
• BE: Izraeli ka bërë zgjerimin më të madh të vendbanimeve në Bregun Perëndimor