Izraeli konfirmon se vrau liderin e Hamasit Haniyeh në Teheran

Ministri i Mbrojtjes i Izraelit ka pranuar për herë të parë se Izraeli vrau liderin politik të Hamasit Ismail Haniyeh në Teheran në korrik.

Israel Katz i bëri komentet në një fjalim duke u zotuar se do të synonte krerët e lëvizjes Houthi të mbështetur nga Irani në Jemen, e cila ka qëlluar me raketa dhe drone në Izrael.

Haniyeh u vra në një ndërtesë ku po qëndronte në kryeqytetin iranian në një sulm që i atribuohet gjerësisht Izraelit.

Kryeministri izraelit Benjamin Netanyahu tha se ishte bërë njëfarë përparimi drejt arritjes së marrëveshjes për një armëpushim në Gaza me Hamasin, por ai nuk mund të jepte një afat kohor se kur do të arrihet një marrëveshje.

Në fjalimin e tij, Katz tha se Izraeli do të “godasë fort” në Houthis dhe “do t’i presë kokën” udhëheqjes së tij.

“Ashtu siç bëmë me Haniyeh, [Yahya] Sinwar dhe [Hassan] Nasrallah në Teheran, Gaza dhe Liban, ne do ta bëjmë këtë në Hodeida dhe Sanaa,” tha ai, duke iu referuar udhëheqësve të Hezbollahut dhe Hamasit që të gjithë janë vrarë këtë vit.

Pas vrasjes së tij, Hamasi emëroi Jahya Sinwar, udhëheqësin e tij në Gaza dhe një nga arkitektët kryesorë të sulmeve të 7 tetorit, si udhëheqësin e përgjithshëm të grupit. Sinwar u vra nga ushtria izraelite në një takim të rastësishëm në Gaza në tetor dhe grupi është ende në procesin e zgjedhjes së një udhëheqësi të ri.

Ndërkaq, grupi Houthi është zotuar të vazhdojë derisa të përfundojë lufta në Gaza.

LEXONI GJITHASHTU:

• Të paktën 20 të vrarë nga sulmet izraelite në Gazë
• Irani dënon vendimin për sanksionimin e Teheranit nga BE-ja dhe Britania