Izraeli në luftë, mbi 100 të vdekur. Hamasi: Jemi në prag të një fitoreje të madhe

Të paktën 198 palestinezë janë vrarë pasi forcat izraelite u kundërpërgjigjën ndaj një sulmi vdekjeprurës nga Hamasi.

Numri i të vdekurve brenda Izraelit aktualisht është 100, sipas autoriteteve mjekësore.

Rreth 985 izraelitë kanë mbetur gjithahstu të plagosur. Mediat e huaja shkruajnë se civilë dhe ushtarë janë marrë peng, kjo e konfirmuar nga autoritetet izraelite, pasi mijëra raketa u lëshuan fillimisht nga Gaza këtë mëngjes.

Ministria palestineze e Shëndetësisë raportoi se të paktën 1,610 persona janë plagosur në Gaza.

Shkalla e lëndimeve dhe numri i viktimave deri më tani e bën sulmin më vdekjeprurës në territorin izraelit ndër vite.

Kryeministri izraelit Benjamin Netanyahu tha se vendi i tij është “në luftë” dhe “do të fitojë”.

“Armiku ynë do të paguajë një çmim të cilin nuk e ka njohur kurrë,” tha ai në një deklaratë për media.

Ushtria thotë se aktualisht është e angazhuar në luftimet me Hamasin në 22 lokacione në të gjithë Izraelin jugor.

Udhëheqësi i byrosë politike të Hamasit, Ismail Haniyeh, pretendon se grupi është “në prag të një fitoreje të madhe dhe pushtimit të qartë në frontin e Gazës”.

LEXONI GJITHASHTU:

• Me inteligjencën nga më të mirat në botë, si dështoi Izraeli të parandalonte sulmin
• 5000 raketa drejt Izraelit, reagon Hamasi: Kemi të drejtë të mbrohemi ndaj terrorit
• “Ky është vetëm fillimi!”, gazetari paralajmëron sulme masive kundër Hamasit