Izraeli përshkallëzon bombardimet ndaj Rripit të Gazës

24 Tetor 2023 | 20:45

Izraeli ka përshkallëzuar bombardimet ndaj objektivave të tij në Rripin e Gazës përpara një ofensive tokësore të pritshme kundër militantëve të Hamasit. Luftimet po rrisin me shpejtësi numrin e të vdekurve në Gazë dhe Shtetet e Bashkuara druhen se këto zhvillimeve mund të nxisin një konflikt më të gjerë në rajon.

Sipas Ministrisë së Shëndetësisë të drejtuar nga Hamasi, vetëm gjatë ditës së djeshme kanë humbur jetën më shumë se 700 persona si pasojë e sulmeve ajrore izraelite. Organizata Botërore e Shëndetësisë tha se gati dy të tretat e objekteve shëndetësore të Gazës janë jashtë funksionit.

Që kur Izraeli izoloi territorin pas sulmit të Hamasit ndaj qyteteve izraelite më 7 tetor, banorët e këtij rajoni po përballen me mungesa të mëdha në ushqime, ujë dhe ilaçe.

OKB-ja paralajmëroi se shpërndarja e ndihmave mund të ndalet nëse nuk do të ketë karburant për kamionët. Autokolonat me ndihma që janë lejuar të hyjnë në Gazë mbulojnë vetëm një pjesë të vogël të nevojave.

Luftimet, hynë në ditën e 18-të të tyre, ato janë nga më të përgjakshmet për të dyja palët, krahasuar me pesë luftra të zhvilluara në Gazë.

Që nga fillimi i konfliktit sipas Ministrisë së Shëndetësisë të drejtuar nga Hamasi, janë vrarë të paktën 5,791 palestinezë dhe 16,297 janë plagosur.

Ndërkohë autoritetet izraelite kanë konfirmuar më shumë se 1,400 persona të vrarë në Izrael, kryesisht civilë, të cilët humbën jetën pas sulmit brutal të Hamasit më 7 tetor. Po kështu besohet se numri personave të marrë peng nga grupi i militantëve, ditën e parë të sulmit të tyre ishte 222, mes tyre edhe shtetas të huaj. Deri tani janë liruar katër pengje.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Policia Metropolitane e Londrës do zgjerojë dronët dhe teknologjinë e njohjes së fytyrës gjatë hetimeve

Komisioneri i Policisë Metropolitane të Londrës, Mark Rowley, ka njoftuar planet për rritjen e përdorimit të dronëve dhe teknologjisë së njohjes së fytyrës në të...
19:34 | 24/06/2026

Kina kryeson listën botërore të superkompjuterëve me “LineShine” në vend të parë

Një superkompjuter në Kinë ka arritur të zërë vendin e parë në botë, duke u renditur si sistemi më i fuqishëm kompjuterik global, sipas listës...
19:27 | 24/06/2026

Rubio: Grupi teknik për Iranin mblidhet sërish javën e ardhshme në Zvicër

Sekretari amerikan i Shtetit, Marco Rubio, deklaroi të mërkurën se grupi teknik për Iranin do të ritakohet javën e ardhshme, duke parashikuar që takimi të...
18:58 | 24/06/2026