Që nga fillimi i luftës së Izraelit në Gaza në tetor të vitit të kaluar, autoritetet izraelite kanë zbritur rreth 694 milionë dollarë nga të ardhurat tatimore të alokuara për Gazën, sipas Ministrisë palestineze të Financave.

Sipas marrëveshjeve të përkohshme dypalëshe të paqes të nënshkruara në fillim të viteve 1990, Izraeli mbledh taksa dhe dogana në emër të Autoritetit Palestinez (AP) dhe ia transferon këtij të fundit në baza mujore.

Megjithëse Gaza drejtohet nga grupi Hamas, AP vazhdon të financojë zonat thelbësore të buxhetit të enklavës së bllokuar, duke përfshirë pagimin e pagave të punonjësve shëndetësorë.

Në një deklaratë të transmetuar nga agjencia zyrtare palestineze e lajmeve Wafa, ministria e financave tha: “Këto zbritje janë pjesë e strategjisë së Izraelit për t’i bërë presion AP-së që të ndalojë pagesën e pagave për punonjësit dhe pensionet për pensionistët në Gaza”.

“Këto masa financiare janë pjesë e fushatës më të gjerë të presionit të Izraelit kundër AP-së, duke ndikuar në aftësinë e saj për të përmbushur detyrimet e saj financiare ndaj qytetarëve të saj, veçanërisht në këto kohë sfiduese.”

LEXONI GJITHASHTU:

• Lufta në Gaza| Më shumë se 40,000 palestinezë janë vrarë që nga 7 tetori
• Lufta në Gaza, 2.100 fëmijë të nga sulmet izraelite ishin nën 2 vjeç