Aksidentet rrugore po rriten nga viti në vit. Sipas statistikave zyrtare nga 1.285 aksidente rrugore të ndodhura në vitin 2023, 1.110 ose 86,4% kanë ndodhur si pasojë e sjelljes së drejtuesit të mjetit ndërsa 175 ose 13,6 % si pasojë e sjelljes së këmbësorëve.
Ndërsa këmbësorët duket se janë më të ndërgjegjësuar nga një vit të tjetrin, dhe kjo reflektohet me numrin në rënie të aksidenteve të shkaktuar prej tyre në 3 vitet e fundit, shoferët vijojnë të shkelin rregullat e për pasojë aksidentet po rriten.
Raporti i INSTAT që ka marrë në analizë 3 vitet e fundit të aksidenteve rrugore ka nxjerrë në pah se masat administrative janë rritur me 18 %, krahasuar me vitin 2022.
Ajo çfarë bie në sy është se tejkalimi i normave të shpejtësisë është shkelja më e përsëritur nga shoferët, që është edhe shkaku kryesor i aksidenteve.
Gjobat për “Mosrespektimi i normave të shpejtësisë” zënë 24,8 % të totalit të masave të vendosur për vitin 2023.
Veç shpejtësisë, shoferët nuk respektojnë sinjalizimet rrugore, një tjetër shkak që çon në aksidente rrugore. 12,1% e gjobave kanë pikërisht arsyetimin e “Mosrespektimit të sinjalizimeve rrugore”.
LEXONI GJITHASHTU:
- Kukës| Përvetësuan 2 mln lekë nga gjobat, Prokuroria jep masa sigurie për 22 policë
- Rreth 10 mijë gjoba në një javë për shoferët e pabindur, 19 të arrestuar
