‘Ja zgjidhja për Tajvanin’, Elon Musk vijon me këshillat për politikën ndërkombëtare

Miliarderi Elon Musk vazhdon të ofrojë këshilla në fushën e politikës ndërkombëtare. Pasi i sugjeroi Kievit të mbyllë luftën me Rusinë duke njohur aneksimin e Krimesë, tani në fokus të tij ka qenë Tajvani dhe Kina, vend ku ai prodhon makinat e tij.

“Rekomandimi im do të ishte që Tajvani të kthehet në një zonë administrative të Kinës, ide që është shumë joshëse, por që mund të mos i lërë të lumtura të gjitha palët”, ka deklaruar Musk.

Deklaratën e tij, Musk e ka bërë në një intervistë të gjatë për gazetën financiare britanike, “Financial Times”.

“Mendoj se është e mundur që palët të arrijnë një marrëveshje që është më e butë se ajo e Hong Kongut”, ka thënë më tej Musk.

Nga ana e tyre, Pekini dhe Tajpei kanë reaguar në mënyra të ndryshme ndaj idesë së njeriut më të pasur në botë.

Ambasadori kinez në Shtetet e Bashkuara e vlerësoi idenë, ndërsa homologu i tij tajvanez deklaroi se “liria e ishullit nuk është në shitje”.

Vlen të theksohet se komentet e Musk vijnë në një kohë kur makinat elektrike të prodhuara nga kompania e tij shënuan një rekord shitjesh në Kinë.

LEXONI GJITHASHTU:

• Elon Musk sjell fundin e rrjeteve sociale? Ja çfarë duhet të dini për aplikacionin X
• Çfarë ishte kaq e ‘tmerrshme’ rreth planit të paqes që propozoi Elon Musk?