“Jam e sëmurë”- Apeli i GJKKO rrëzon kërkesën për lirimin nga burgu të ish-gjyqtares

Pas Shkallës së Parë, edhe Apeli i GJKKO ka rrëzuar kërkesën e ish-gjyqtares së Elbasanit, Pajtime Fetahu, për lirimin nga qelia me argumentin e shkaqeve shëndetësore.

Fetahu, kërkoi lirimin me argumentin se gjendja e saj shëndetësore është përkeqësuar dhe qëndrimi në qeli i rrezikon jetën. Mbrojtja ligjore e saj paraqiti ekspertiza mjekësore në mbështetje të këtyre pretendimeve.

Megjithatë, pas shqyrtimit të kërkesës dhe analizës së raporteve të ekspertëve, gjykata vendosi të mos ndryshojë masën e sigurisë

Fetahu mbahet e paraburgosur në ambientet burgut të sigurisë së lartë në Pojskë të Pogradecit dhe është e përfshirë në dy çështje të ndryshme të hetuara nga SPAK.

Ish-gjyqtarja Pajtime Fetahu është e përfshirë në dy dosje të SPAK, të lidhura me grupet kriminale të Suel Çelës dhe organizatën “Çopja” në Elbasan.

Për dosjen e parë, ndaj saj ishte caktuar masa e sigurisë “arrest shtëpie”, ndërsa për dosjen e dytë, ajo u arrestua me vendim të gjykatës.

Fetahu dha dorëheqjen nga sistemi i drejtësisë më 16 nëntor 2022, pak ditë përpara se të përballej me procesin e vettingut.

LEXONI GJITHASHTU:

• Lihet në burg ish-gjyqtarja Fetahu, shpërthen në lot në seancë. Çfarë deklaroi
• E arrestuar për lidhje me bandat, ish-gjyqtarja kërkon lirimin: Jam sëmurë