Gazetarja serbe Katarina Radojiçiç komentoi në një intervistë për Euronews Albania ngjarjen e rëndë që ndodhi në Serbi këtë të mërkurë, ku 8 nxënës dhe një roje kanë mbetur  të vrarë në një shkollë fillore, si pasojë e të shtënave me armë zjarri nga një 14-vjeçar.

Ajo tregoi se pasi u kap nga policia djali kishte deklaruar se ishte psikopat.

“Nga ato që dimë është se agresori shkoi në shkollë rreth orës 8:40 të mëngjesit. Ai qëlloi të parin rojën e sigurisë dhe më pasa hyri në shkollë dhe vrau 7 vajza. Ngjarja ndodhi gjatë orës së historisë. Përveç nxënësve qëlloi mësuesin dhe nxënës të tjerë që ngelën të plagosur. Është një ndër ngjarjet më të rënda dhe i rëndë është edhe fakti që policia ka zbuluar se ngjarja ishte planifikuar prej disa muajsh.

Dyshohet se kur policia arrestoi vrasësin ai tha se ‘jam një psikopat’. Nga sa dihet edhe babai i djalit është arrestuar pasi përdori armën e të atit. Ky i fundit pretendon se arma ishte e mbyllur në një kasafortë, por ndodhi që përfundoi në duart e të birit,” – u shpreh Radojiçiç.

LEXONI GJITHASHTU:

• I mituri terrorizon shkollën në Serbi, qëllon me armë ndaj shokëve: 9 viktima
• Kina voton pro rezolutës që e njeh Rusinë si agresor, Serbia abstenon sërish