“Janë bërë gafa të rënda”, Hakorja: SPAK po vepron politikisht, nuk po shkon tek…

Gazetari Fatos Hakorja komentoi gjetjet e Barometrit në  Euronews Albania lidhur me besueshmërinë e qytetarëve të institucionet ku rezultoi se qytetarët vazhdojnë të kenë besim të shtuar te SPAK.

Sipas tij, rritja e besueshmërisë së SPAK është pasojë e punës dhe rezultateve, por perceptimi është që  institucioni po vepron politikisht dhe në çështjet e mëdha nuk kanë shkuar te paraja, që është kryesorja.

“Kjo rritje e besueshmërisë së SPAK është pasojë e punës dhe rezultateve, por duhet të jemi realist që jo  çdo herë  ka performuar mirë, se ka bërë  edhe gafa të rënda dhe perceptimi është që ky institucion po vepron politikisht dhe në çështjet e mëdha nuk kanë shkuar te paraja, që është kryesorja. Nëse po flasim për çështjen e inceneratorëve, për të cilën kemi një ish-ministër në burg, po paratë ku janë, që presupozohet që 3.8 mln euro i ka marrë një ministër. Te inceneratorët këto para vazhdojnë dhe SPAK mund t’i ndalojë, por kur është pyetur pse nuk i ndalon ka thënë se nuk i takon këtij institucioni se na  çojnë në Arbitrazh”,  tha Hakorja.

LEXONI GJITHASHTU:

• Vazhdon rritja e besimit dhe vlerësimit te SPAK
• SPAK kërkon që Jamarbër Malltezi të kthehet në burg, kur pritet të mbahet seanca