‘Janë të mirëseardhur’, Rama për rusët që arratisen pas urdhrit të Putin për luftë

Kryeministri Edi Rama, deklaroi se rusët të cilët largohen nga Rusia, për shkak të thirrjes së presidentit Vladimir Putin për mobilizim ushtarak, janë të mirëseardhur në Shqipëri.

Deklaratë, Rama e dha gjatë një deklarate për mediat, teksa u pyet se cili do të ishte qëndrimi i vendit tonë, nëse rusët do të duan të vijnë në vendin tonë.

Më 21 shtator, Vladimir Putin urdhëroi mobilizimin e parë ushtarak të Rusisë që nga Lufta e Dytë Botërore.

Ky njoftim u bë pasi forcat ruse janë përballur me ngecje të mëdha në fushëbetejën në Ukrainë dhe urdhri i Putinit po shihet si përpjekje për të kthyer momentumin në anën e Moskës, në atë që ai e ka cilësuar si përplasje midis Lindjes dhe Perëndimit.

Mobilizimi thuhet se është i pjesshëm, ku 300.000 rezervistë rusë thirren që t’i bashkohen luftës.