Jay Z dhe P Diddy akuzohen për përdhunimin e një vajze 13-vjeçare

Akuza të rënda janë ngritur ndaj reperit të njohur Jay Z.

Një grua ka paraqitur një padi civile ku akuzon artistët e njohur P Diddy  dhe Jay Z për sulm seksual.

Ngjarja pretendohet të ketë ndodhur në vitin 2000, gjatë një feste pas ndarjes së çmimeve të Video Music Awards, kur viktima ishte vetëm 13 vjeçe.

Në fillim, padia ishte e drejtuar vetëm kundër P Diddy por së fundmi është përfshirë edhe Jay Z si i pandehur.

Viktima pretendon se pas konsumimit të një pijeje në festë, ajo ndjeu marramendje dhe u largua në një dhomë gjumi, ku pretendon se u sulmua seksualisht nga Jay-Z dhe më pas nga Combs.

Reperi Jay Z ka mohuar kategorikisht akuzat, duke i quajtur ato “të pabazuara dhe të neveritshme”.

Në një deklaratë, ai i ka bërë thirrje paditëses të paraqesë një padi penale nëse akuzat janë të vërteta.

Ndërsa Diddy Combs përballet me akuza të shumta, përfshirë trafikimin seksual.

LEXONI GJITHASHTU:

• Vetëdorëzohet në policinë e Kosovës reperi Noizy
• Padi ndaj Kanye West, reperi akuzohet për dhunë seksuale ndaj modeles në 2010