Jeff Bezos zgjeron veprimtarinë, futet në garën për ofrimin e internetit me satelitë

Jeff Bezos, themeluesi i gjigantit Amazon, do ta zgjerojë veprimtarinë në fushën e hapësirës. Ai do t’i publikojë dy prototipa satelitësh për projektin e tij Kuiper.

Bezos është duke planifikuar që t’i krijojë 3.200 pajisje në vjetët në vijim për të mundësuar lidhje në internet në çdo vend të botës.

Bezos shpreson se do ta sfidojë sistemin Starlink të miliarderit Elon Musk, i cili veçse ofron internet për shumë shtete. Dy satelitët e Bezosit do të ngjiten në orbitë me raketën Atles-5.

Ata do të nisen nga Florida në pasditen e së premtes. Amazon e ka nisur procesin kërkimor dhe zhvillimor për projektin Kuiper më 2018, dhe deri më tani i ka shpenzuar 10 miliardë dollarë.

Kompania synon të rritet në tregun e ofrimit të internetit përmes shtrirjes së sistemit në hapësirë, për dallim prej lidhjeve përmes fibrit optik në tokë. Kompania e Elon Musk është lidere në këtë drejtim dhe deri më tani i ka 4.800 pajisje aktuale në orbitë.

LEXONI GJITHASHTU:

• Deklarata e Ramës për KFOR, Abazoviç: Çdo përpjekje etij shkon për paqe në rajon
• “Keni mbështetjen tonë”- Ministri i Jashtëm grek takon Kryepeshkopin Janullatos