“Keni mbështetjen tonë”- Ministri i Jashtëm grek takon Kryepeshkopin Janullatos

Ministri i Punëve të Jashtme të Greqisë, George Gerapetritis, ka zhvilluar këtë të premte një takim me  Kryepeshkopin e Kishës Ortodokse, Anastas Janullatos.

Përmes një deklarate të shpërndarë nga Ministria e Jashtme Greke, ministri Gerapetritis e ka falenderuar Kryepeshkopin për punën e bërë në Shqipëri.

Gjithashtu bëhet me dije se ai përcolli mbështetjen e shtetit grek për Janullatos.

“Është një nder i madh për mua, Fortlumturia Juaj, që jam sot këtu në Kryedioqezë si përfaqësues i shtetit grek dhe kam privilegjin t’ju takoj personalisht. Është shumë domethënëse puna që keni kryer gjatë 32 viteve të fundit.

Është një vepër dashurie, solidariteti dhe kontributi në të gjitha nivelet, duke reflektuar pikërisht atë që ne të gjithë ndjejmë. Besoj gjithashtu se urat që na bashkojnë, Ortodoksia që është origjina jonë e përbashkët kulturore, gjejnë shprehjen e tyre më të mirëfilltë dhe domethënëse në personin tuaj.

Dua të përcjell jo vetëm besimin e shtetit grek ndaj jush, por edhe mbështetjen e tij të plotë për punën tuaj dhe që ju të vazhdoni me të njëjtin zell, me të njëjtin zjarr kontributi vetëmohues, në mënyrë që ortodoksët të ketë gjithmonë udhëheqësin e tyre shpirtëror”, thuhet në njoftimin e Ministrisë së Jashtme greke.

LEXONI GJITHASHTU:

• Censi| Janullatos thirrje besimtarëve ortodoksë: Tregoni me vendosmëri besimin
• Janullatos viziton Belerin në burg/ Bido: Pse shkoi te ai, por jo te Dako