Kisha Ortodokse e Shqipërisë u ka bërë thirrje besimtarëve ortodoksë që t’u përgjigjen pyetjeve të Censit në lidhje me besimin fetar, i cili është opsional.
Përmes një postimi në facebook Kisha Ortodokse bën apel besimtarëve që të tegohet vëmendje dhe përgjegjshmëri për të plotësuar përkatësinë fetare.
Thirrja për besimtarët që të tregojnë besimin e tyre u bë dhe nga kryepeshkopi i Kishës Ortodokse, Anastas Janullatos, gjatë meshës së të dielës.
“Le të marrim pjesë në Census duke pohuar me vendosmëri besimin tonë Orthodoks” –deklaroi kryepeshkopi Janullatos.
“Nga dita e hënë, datë 18 shtator 2023, dhe në 6 javët në vazhdim, në të gjithë vendin do të kryhet Regjistrimi/Censi i Popullsisë dhe Banesave. Në këtë proces të rëndësishëm do të regjistrohen edhe të dhënat e përkatësisë së besimit fetar. Meqë kjo pjesë e Censit është lënë vetëm fakultative, tregoni vëmendje dhe përgjegjshmëri, duke kërkuar shënimin e identitetit tuaj fetar: “i/e krishterë Ortodoks”. Kontrolloni dhe sigurohuni që përgjigjja e pyetjes në lidhje me përkatësinë fetare, që e plotëson anketuesi, të jetë hedhur saktë në tabletin (aparatin elektronik) me të cilin regjistron, sipas asaj që ju keni deklaruar”, shkruan në faqen e vet në Facebook Kisha Ortodokse e Shqipërisë.
LEXONI GJITHASHTU:
- A do llogariten emigrantët në Censi 2023? Ja çfarë thotë drejtoresha e INSTAT
- Sot nis censi| Thirrja e fortë e Kishës Katolike: Mos refuzoni të tregoni besimin