Eksperti i ekonomisë, Fatos Çoçoli tregoi rastin kur një sipërmarrës në vend i ka thënë se janë tallur me pagat e punonjësve.
Në një intervistë për Euronews Albania, Çoçoli u shpreh se nëse 10 vite më parë, për t’u puinësuar në fabrikën e këtij sipërmarrësi dërgoheshin 20 aplikime për një vend pune, sot nuk ndodh diçka e tillë.
Sipas Çoçolit, tanimë mund të ketë 20 kompani që kërkojnë punonjës për të njëjtin pozicion pune, por nuk e gjejnë dot.
“Mund të të shprehem me shumë sinqeritet çfarë një sipërmarrës më ka thënë në shumë konfidencë; ne jemi tallur me pagat e punonjësve tanë deri tani. Po ta them arsyen me shumë sinqeritet. Është një eksportues shumë serioz i vendit tonë. Në momentin që 10 vite më parë i vinte një formular për t’u punësuar në fabrikën e tij, i vinin 20 të tillë, sepse kishte njerëz që kishin nevojë të punësoheshin.
Sot, janë 20 kompani për të plotësuar një formular, për të gjetur krah pune. Ky është sikleti i madh që kemi sot. Është emergjencë kombëtare”, theksoi ai.
LEXONI GJITHASHTU
- Frenohet tregtia e jashtme | 38 mld lekë nga eksportet, rënie 9% për një muaj
- Ilaçet turke mbushin tregun, 120 barna morën autorizim tregtimi vetëm gjatë 2022
- Korrupsioni e tarifat pengojnë rritjen e tregtisë Shqipëri-Kosovë