“Jerusalemi ynë”! – Gazetari himarjot tregon si e sheh elita greke Himarën

Gazetari himarjot Stavri Marko tha në një intervistë për Euronews Albania se elita greke e konsideron Himarën si “Jerusalemi i Greqisë”.

Marko u shpreh se ndikimi i qeverisë së Micotaqis në zgjidhjen e problemit të pronave për himarjotët është minimal.

Por sipas tij ka një ndjeshmëri të madhe të politikës greke ndaj Himarës kur evidentohen shkelje dhe dhunime të të drejtave të njeriut.

“Prona ka qenë vendimtare në dënimin që Himara i dha qeverisë, që administronte edhe bashkinë. Micotaqis nuk ka ndonjë ndikim të madh, sepse si Micotaqis, edhe kryetarët e partive të tjerë si Cipras janë prononcuar për Belerin dhe Himarën. Cipras ka pasur një përplasje me Ramën, saqë nga Bukureshti në 2017 i ka dhënë edhe një ultimatum për ligjin e pronës, që pati një ndalesë me deklaratën e ashpër të Cipras. Micotaqis nuk ka bërë asgjë për të ndalur grabitjen e tokave të himarjotëve në mënyrë ligjore për t’ia dhënë oligarkëve nga Tirana. Nuk ka peshë të madhe, por që elita greke e konsideron Himarën si Jerusalemin e saj. Ka një ndjeshmëri të madhe të politikës greke ndaj Himarës kur evidentohen shkelje dhe dhunime të të drejtave të njeriut”, tha gazetari.

LEXONI GJITHASHTU:

• Gazetari: Për të mirën e Shqipërisë dhe të Greqisë, Beleri duhet të lirohet
• Zbulohet data kur Beleri del në GJKKO, caktohet gjyqtarja e çështjes (Emri)