“Jetimët në rrugë”, Çumani: I zvarrisin, rrezikojnë të bien pre e grupeve vulnerabël

Ilir Çumani, Drejtor i Përgjithshëm i Institutit Kombëtar të Integrimit të Jetimëve Shqiptarë tha se jetimët ngelen në rrugë dhe rrezikojnë të bëhen pre e grupeve vulnerabël për aq kohë sa i zvarrisin.

Ai tregoi se pasi mbaron shkollën profesionale shteti heq dorë nga të gjitha  përgjegjësitë që duhet të ketë për këtë kategori në çdo vend të botës.

Rrjedhimisht një person i rritur në jetimore do të përpiqet vetë për të gjetur një vend pune dhe një strehë ku të jetojë.

“Edhe pse janë zbatuar disa programe për t’i sistemuar me bonus të strehimit unë vë re diçka tjetër në këtë praktikë që zgjedhin pushteti lokal, bashkitë, komunat që janë shumë strikt në raport me trajtimin e këtyre fëmijëve me bonusin e strehimit,” – u shpreh Çumani.

Sipas tij financimi 6 muaj po dhe 6 jo, i zvarrit deri në atë pikë sa mund të bëhen pre e grupeve vulnerabël.

LEXONI GJITHASHTU:

• Ekskluzive/ “Nuk kam asnjë përjetim”, Kadare për shpalljen e ‘Nobelit’ në Letërsi
• “Lear Kurti dinte 4 gjuhë të huaja”, Çumani: Jam rritur në jetimore me nënën e tij