Jo më deputetë, Kodheli, Murrizi dhe Gjoni fjalime lamtumire në Kuvend

Edhe pse nuk ishte seanca e fundit plenare e kësaj legjislature, Mimi Kodheli e kishte gati fjalim e lamtumirës.

Ish-ministrja dhe deputetja veterane foli për sulmet që i ishin adresuar në më shumë se 20 vite në politikë, por dhe mirënjohjen ndaj atyre që e mbështetën.

Fjalim lamtumire mbajtën edhe Myslym Murrizi e Ralf Gjoni, dy prej deputetëve të opozitës parlamentare, të cilët gjithashtu nuk do të jenë më deputetë në shtator.

Kritika u hodhën në adresë të procesit zgjedhor, gjatë raportimit të Ilirjan Celibashit, nga opozitarët që zëvendësuan PD e LSI në Kuvend, por që nuk arritën të rikonfirmohen në 25 prill.

Diskutime ngjallën dhe shifrat e prezantuara nga Inspektorati i Lartë i Deklarimit dhe Kontrollit të Pasurive, si dhe nga Kontrolli i Lartë i Shtetit. U raportuan mbi 17 milionë euro dëme të shkaktuara nga institucionet shtetërore dhe 72 zyrtarë të kallëzuar penalisht për fshehje pasurie.

Kuvendi vendosi të ngrejë dhe komisionin “ad hock”, që do të bëjë zëvendësimin e anëtarëve të larguar të strukturave të vetingut.

LEXONI GJITHASHTU: 

• Lehtësi për lejet e qëndrimit, Kuvendi miraton me 87 vota pro ligjin e ri për të huajt në Shqipëri