Jota “heroi” i Liverpoolit, Arsenal e Man City triumfojnë me përmbysj

Kampionati anglez vijon të jetë tejet emocionues nga ndeshja në ndeshje, me ekipet e kreut të cilat po bëjnë detyrën, duke konsoliduar pozitat. Manchester City, Arsenal e Liverpool rrëmbyen fitoret e radhës, duke konfirmuar formën pozitive, si dhe dhënë garanci për javët e ardhshme.

Të shtunën, i pari që mori 3 pikët ishte Liverpool në transfertën e Crystal Palace. Heroi i të kuqve të Arne Slot ishte portugezi Jota, me një gol që në minutat e para, i cili mjaftoi për marrjen e fitores.

Sa i përket dy ndjekësve më ta afërt të ‘The red’ që qëndron në vendin e parë, Arsenali e Manchester City, java e 7 kishte rezervuar përballje në shtëpi. Të dyja arritën të përmbysin kundërshtarin, goonersat Southamptonin dhe the cityzens Fulhamin.

Në Emirates pjesa e parë nuk prodhoi gola, ndërsa në fraksionin e dytë Archer kaloi në avantazh miqtë. Havertz, Martinelli e Saka shënuan për topçinjtë, të cilët morën fitoren e 5-të në kampionat. City i Guardiolës e nisi jo mirë, me një gol të pësuar nga Pereira, por përmbysi gjithçka me dopietën e Kovacic, e më pas Doku, teksa Muniz vulosi shifrat 3-2. Vendi i parë i takon Liverpool me 18 pikë më pas Man City e Arsenal me 17.

LEXONI GJITHASHTU:

• Legjenda e Liverpoolit bëhet trajner në Arabinë Saudite
• Formacionet zyrtare të Cityt dhe Liverpoolit