Jubileu i Papa Françeskut/ Nis restaurimi i bazilikës së Shën Pjetrit

Bazilika e Shën Pjetrit po përgatitet për jubileun e madh të Papa Françeskut në vitin 2025. Vatikani ka zbuluar planet për restaurimin e baldakinit 29 metra të Lorenco Berninit, ose tendës mbi altarin kryesor.

Një vepër monumentale që pritet të jetë gati në fund të vitit dhe që do të kushtojë 700 mijë euro.

“Çdo gjë është e madhe në Shën Pjetër dhe po ashtu edhe sfida dhe ne e kuptojmë këtë. Ëngjëjt në kurorë janë 4 metra të lartë. Është një shtresë e hollë e akumuluar ndër vite, e përbërë nga pluhuri dhe grimcat, gjë që na detyron të bëjmë një analizë përfundimtare”-tha inxhinier Alberto Capitanucci, ekipi i restaurimit të Bazilikës së Shën Pjetrit.

Rreth 50 mijë persona vizitojnë çdo ditë Bazilikën e Shën Pjetrit. Gjatë punimeve, baldakini do të mbulohet, gjë që do të lejojë vazhdimin përgjatë gjithë vitit të celebrimeve liturgjike.

LEXONI GJITHASHTU: 

• Ekuador, gjendje e jashtëzakonshme/ Analistët: Mafia Shqiptare nxitëse e konflikteve
• Lapaj flet për arrestimin e Berishës: Nuk u gëzova, por nëse do isha avokat i tij…