Julian Deda në Primaret e PD-së: Tirana s’mund të përdoret si mish për top

Aktori Julian Deda, njëherësh anëtari i Këshilli Kombëtar të Partisë Demokratike, ka prezantuar kandidaturën e tij në Primaret e kësaj force politike për Bashkinë e Tiranës.

Përmes një deklarate, Deda u shpreh se prej 8 vitesh, Tirana qeveriset nga të majtët dhe gjërat nuk po shkojnë aspak mirë.

Sipas tij, kryeqyteti nuk mund të përdoret si mish për topin e agjendave personale dhe politike.

“Ky qytet prej 8 vitesh qeveriset me dorën e majtë dhe gjërat nuk kanë shkuar aspak mirë. Ne duhet t’i shtrijmë bashkëqytetareve tanë dorën tonë të djathtë. Sepse ne jemi njerezit që mes të keqes dhe të mirës, zgjedhim të miren, mes të gabuares dhe të drejtës zgjedhim të drejtën.

Tirana nuk ia ka borxh askujt që të përdoret si mish për topin e agjendave personale politike e unë besoj se e vetmja agjendë që i duhet Tiranes është ajo në shërbim të qytetarëve. Une besoj se ka ardhur koha që Tirana të punojë për qytetarët e saj, dhe jo vetëm për interesat e një njeriu apo të një grushti të vegjël njerëzish rreth tij’. theksoi ai.

LEXONI GJITHASHTU

• Alibeaj akuza për Portin e Durrësit: Shkelet Kushtetuta në disa pika, nuk ka garë
• Igli Cara prezanton kandidaturën në Primaret për Bashkinë e Durrësit
• “E mora lajmin në rrjetet sociale”, Julian Deda reagon për garën për Tiranën