“Juventus, skuadër me të ardhme”- Allegri: Pse refuzova milionat e Arabisë Saudite

Milionat nuk arritën të bindin teknikun Italian Massimiliano Allegri të largohet nga Juventusi, ndërsa ka vendosur të drejtojë edhe këtë sezon bardhezinjtë. Në drejtim të 56-vjecarit pati disa oferta të cilat nuk u morën në konsideratë, për faktin se lëvizja drejt Arabisë Saudite do të ishte e gabuar.

Më dukej e gabuar të largohesha nga Juventusi në këtë moment sepse në çdo rast ka shumë lojtarë të rinj të mirë që mund të jenë e ardhmja jonë. Mendoj se kjo skuadër ka një të ardhme të rëndësishme duke pasur parasysh moshën lojtarëve. Juventusi mund të ketë një të ardhme të madhe.

Në një intervistë për mediat italiane, Allegri ka pohuar se qëllimi është që skuadra të luajë në Ligën e Kampionëve, ndërsa dicka e tillë nuk do të ndodhë këtë sezon.

Kampionati është i gjatë, qëllimi ynë është të luajmë në Champions League që na u hoq si mundësi sezonin e shkuar pavarësisht rezultateve. Të luash një ndeshje në javë në kampionat duhet parë si një mundësi për të punuar dhe përmirësuar lojtarët, por të luash në Champions League është diçka tjetër.

Juventusi është skuadra e 6-të, të cilën Allegri drejton në karrierën e tij. 59-vjecari e mori drejtimin për herë të parë në 2014-ën, u largua pas 5 sezonesh, e më pas në 2021-in u rikthye sërish tek bardhezinjtë.

LEXONI GJITHASHTU:

• Prej muajsh pa skuadër, Rei Manaj firmos për 3 sezone me ekipin turk
• PSG i vendos çmim Mbappes, sa duhet të paguajë çdo skuadër që dëshiron ta blejë