Juventusi triumfon në derbi, Pogba debuton në Serie A

Juventusi ka mposhtur Torinon në derbin e luajtur mbrëmjen e së martës. Bardhezinjtë zhvilluan një ndeshje të mirë, ndërsa tashmë e shohin veten në vendin e 7-të, 6 pikë larg Evropës.

Përballja e zhvilluar në Allianz Stadium u zhbllokua në minutën e 2’, ku Karamoh kaloi në avantazh Torinon, ndërsa Cuadrado solli barazpeshën e përkohshme. Në vijim miqtë shënuan sërish me Sanabrian, ndërkohë Danilo shënoi për 2-2.

Në pjesën e dytë erdhën dhe dy gola të tjerë për bardhezinjtë me autor Bremer dhe Rabiot. Në këtë ndeshje debutoi dhe mesfushori francez, Paul Pogba i cili u duartrokit nga të gjithë të pranishmit në shkallët e stadiumit. 29-vjeçari u bë pjesë e sfidës në minutën e 68’, ndërkohë zhvilloi një lojë të mirë.

Juventusi ka arritur deri më tani të grumbullojë 35 pikë në Serie A, kujtojmë se bardheblutë u dënuan me heqjen e 15 pikëve, gjë që do t’i klasifikonte ata në vendin e dytë në tabelë. Objektivi i skuadrës për pjesën e mbetur të sezonit është renditja në vendet që të dërgojnë në Evropë, si dhe triumfi në Europa League.