“Ka konsensus Rama-Berisha”, Nesturi: Edhe datat e protestave doktori i zgjedh…

Analisti Plator Nesturi tha në emisionin Now në Euronews Albania se një konsesus PS-PD për çështje të rëndësishme siç është reforma në drejtësi, që shkojnë përtej asaj që ai e cilësoi shfaqje në Parlament.

Sipas Nesturit, sa herë ka pasur tentativa nga politika për të bërë ndryshime në SPAK, ka ardhur menjeherë ndërhyrja e ndërkombëtarëve për shkak të besueshmërisë së lartë që ka ky institucion.

‘Për mua ka një konsesus edhe pse janë këto shfaqjet në Parlament. Edhe datat që vendos doktori për të bërë protesta janë shumë të veçanta, janë gjithmonë për t’u parë me vëmendje, është i kujdeshëm për të zgjedhur data pikante që do i buzëqeshte çdo socialist, ose të paktën ata që janë kupola…Sa herë ka pasur reforma të rëndësishme ka pasur reagime të menjëhershme të ndërkombëtarëve. Mos harrojmë që vitin e kaluar ka pasur vizita shumë sinjifikative nga DASH në SPAK që tregojnë mbështetjen se SPAK është jo vetëm si organ që shërben  në luftën kundër korrupsionit dhe krimit të organizuar, por edhe sepse është institucioni me besueshmërinë më të madhe publike. Ndaj sa herë ka pasur tentativa nga politika për të bërë ndryshime, ka pasur menjeherë ndërhyrje të ndërkombëtarëve’, tha Nesturi.