Policia e Shtetit ka kryer së fundmi një operacion në qytetin e Shkodrës në lidhje me heqjen e kamerave në ambiente publike ,të cilat përdoren nga grupet kriminale për të kontrolluar territorin ose veprimet e kundërshtarëve.

Gazatarja e Euronews, Sara Demshi, ishte këtë të enjte në Shkodër ku pyeti qytetarët nëse ka kamera të tjera që ende përdoren nga grupet kriminale.

Një prej qytetarëve pohoi se në lagjen Skënderbeg shumë kamera të cilat janë nën administrimin e grupeve kriminale.

Pjesë nga intervista:

Gazetarja Sara Demushi: A mendoni se ka kamera të tjera të cialt janë nën monitorimin dhe kontrollin e grupeve kriminale?

Qytetari: Ka!

Gazetarja: Ku konkretisht?

Qytetari: Ka në lagjen Skënderbeg, sa të duash ka.

Ndërkohë një tjetër qytetar u shpreh: “Gjithkush kush bën krim e ruan veten, kanë gjetur atë stil me u ruajt. Duhet të jenë grup se për 1 njeri s’ma merr mendja se bëhen ato punë”