“Ka tradhtuar Romën pasi…”- Italia akuza NATO: Vendimi i Stontelberg një “fyerje”

Ministri i Mbrojtjes i Italisë ka akuzuar Sekretarin e Përgjithshëm të NATO-s, Jens Stoltenberg se ka tradhtuar Romën duke mos emëruar një italian si të dërguarin e ri të aleancës, i ngarkuar për koordinimin e veprimeve të NATO-s në krahun e saj jugor.

Pozicioni u krijua në fillim të këtij muaji me kërkesë të kryeministres italiane Giorgia Meloni, dhe qeveria e saj tha në atë kohë që mendonte se një italiani duhej të kishte atë pozicion.

NATO nuk ka njoftuar ende se kush do ta marrë rolin, por ministri italian i Mbrojtjes i tha gazetës La Stampa se Stoltenberg kishte emëruar një spanjoll, duke shtuar se ai e konsideroi vendimin  “pothuajse një fyerje personale”.

E pyetur për kritikat e ministrit italian, zyra e shtypit e NATO-s bëri me dije se  “NATO do të shpallë çdo emërim në kohën e duhur.”

Ajo nuk pranoi të bënte ndonjë koment tjetër mbi deklaratat e ministrit.

Zyrtari i lartë italian tha se ai i kishte shkruar “një mesazh shumë  zhgënjimi” Stoltenberg.

“Ai më  zemëroi dhe do të ketë pasoja në nivel personal,” tha ministri në një shpërthim jashtëzakonisht të pazakontë nga një anëtar i NATO-s kundër kreut të aleancës ushtarake. “Veprimi i Stoltenberg  ishte një tradhti e një parimi. Ishte Italia ajo që kishte luftuar për të krijuar rolin e të dërguarit për frontin jugor,” tha miniztri italian , duke shtuar se Stoltenberg nuk ishte dakord me vendimin për të krijuar rolin e ri dhe e kishte ndëshkuar Italinë në përputhje me rrethanat.

NATO muajin e kaluar zgjodhi ish-kryeministrin holandez Mark Rutte për të marrë detyrën më 1 tetor.

LEXONI GJITHASHTU:

• Deklaratat e NATO-s për Kinën si kërcënim global, Hungaria del kundër
• Kandidati shqiptar për Senator në SHBA: Republikanët do marrin numër rekord votash