Kabineti i qeverisë ‘Rama 3”, kur pritet të miratohet?

Njëzet e dy orë diskutim iu deshën parlamentit, në 2017-n për të miratuar qeverinë “Rama 2” së bashku me programin e saj qeverisës.

Nuk dihet sesa do t’i duhen 4 vite më pas, në shtatorin e 2021-shit me opozitën e rikthyer në Kuvend.

Votimi i kabinetit nuk ndodhi në seancën e parë plenare të asaj legjislature, ku thjesht nisi verifikimi i mandateve të deputetëve dhe u zgjodh Gramoz Ruçi si kryetar i Kuvendit.

Sipas rregullores deputetët betohen brenda 2 ditëve pas përfundimit të këtij verifikimi.

Presidenti Meta e dekretoi Edi Ramën kryeministër në të njëjtën ditë, kur në një prej 6 seancave të njëpasnjëshme të asaj jave, Kuvendi e mandatoi të krijojë qeverinë.

Pak orë më pas ia dekretoi dhe të gjithë ministrat e kabinetit të tij. Me një vendim shkarkimi nga parlamenti i vjetër, mbetet për t’u parë nëse Meta do të jetë po aq i shpejtë këtë shtator.

Sipas Kushtetutës ai ka 7 ditë kohë për të dekretuar të zgjedhurit e Edi Ramës në qeverisjen e tij të tretë.

Kuvendi duhet të votojë brenda 10 ditëve të tjera dekretet një nga një dhe programin qeverisës.

LEXONI GJITHASHTU: 

• Kush janë ministrat e rinj në qeverinë Rama 3