Kadilli: Shpresoj që ndryshimet në statut të bëhen realitet në Kuvendin Kombëtar

Partia Demokratike mblodhi sot rreth orës 11:00 kryesinë.

Agjenda e kësaj mbledhje lidhet me miratimin e metodologjisë së analizës për zgjedhjet e 25 prillit, që opozita e cilëson “masakër elektorale”.

Pikë e dytë e agjendës ishte thirrja e Kuvendit Kombëtar të Partisë më datë 17 Korrik.

Kjo ishte mbledhja e parë e Kryesisë pas zgjedhjeve në PD që konfirmoi në detyrë Lulzim Bashën me 81% të votave.

Pas mbledhjes, për mediat foli edhe anëtari i kryesisë që kandidoi për kreun e partisë, Fatbardh Kadilli, i cili tha se shpreson që ndryshimet statutore të bëhen realitet në Kuvendin Kombëtar.

“Partia të reagojë më mirë për të parë ri-ngritjen. Në këtë kuadër dhe meqë jemi përballë Kuvendit Kombëtar që është paracaktuar më 17 korrik e ftova kryesinë që të shqyrtojë ‘manifestin politik për ri-ngritjen e PD-së’ si një dokument politik nga i cili burojnë propozime të rëndësishme për ndryshime statuore, për ndryshime të strukturës dhe praktikës dhe sjelljes së PD-së, përfshirë këtu edhe disa nga sfidat që do të këtë partia në legjislaturën që do të fillojë në shtator”, shtoi ai.

LEXONI GJITHASHTU:

PD mbledh sot kryesinë, në fokus analiza e zgjedhjeve dhe thirrja e Kuvendit Kombëtar