Kaja Kallas: Putin nuk do ndalet me Donbasin, pastaj radhën e ka e tërë Ukraina

Donbasi nuk do të jetë fortesa e fundit e Putin. Ky është paralajmërimi që ka bërë Përfaqësuesja e Lartë e Politikës së Jashtme të BE, Kaja Kallas në një prononcim për mediat.

“Duhet ta kuptojmë se Donbasi nuk është qëllimi përfundimtar i Putinit. Nëse ai e pushton Donbasin, fortesa shembet dhe pastaj ai me siguri do të vazhdojë me pushtimin e të gjithë Ukrainës. Dhe e dini, nëse Ukraina bie, rajone të tjera janë gjithashtu në rrezik.

Ne e dimë këtë nga historia dhe duhet të mësojmë nga historia”, tha Përfaqësuesja e Lartë e BE-së për Politikën e Jashtme, Kaja Kallas, me mbërritjen e saj në Këshillin e Punëve të Jashtme.

“Duhet të kemi parasysh se vendet duan të bashkohen me NATO-n sepse nuk duan që Rusia t’i pushtojë ose sulmojë. Dhe kjo është arsyeja pse Suedia dhe Finlanda iu bashkuan NATO-s. Kjo është arsyeja pse shtetet baltike iu bashkuan NATO-s, për të pasur këtë ombrellë mbrojtëse.

Tani, nëse kjo nuk është në diskutim, atëherë duhet të shohim se çfarë garancish të prekshme sigurie ekzistojnë. Ato nuk mund të jenë dokumente ose premtime. Ato duhet të jenë trupa të vërteta, aftësi të vërteta që Ukraina të jetë në gjendje të mbrojë veten”, shtoi ajo.

Reagimi i Kallas vjen kur Zelensky ka braktisur qëllimin e vendit të tij për t’u bashkuar me NATO-n.

LEXONI GJITHASHTU:

• Samiti i Berlinit/ Presidenti ukrainas, Zelensky: Jemi gati për dialog
• Takimi mes zyrtarëve Ukrainë-SHBA në Berlin, Zelensky: Duam paqe të dinjitetshme