Kakavijë, nis fluksi i verës në kufi, 6 331 persona në 24 orë

Në Stacionin Kufitar të Kakavijës ditën e hënë është rritur fluksi i lëvizjes në kufi, periudhë që përkon me pushimet verore të emigrantëve shqiptarë në Greqi.

Sipas Policisë Kufitare në Gjirokastër, gjatë 24 orëve nëpërmjet kësaj dogane kanë lëvizur në të dyja anët e kufirit 6 331 persona dhe 1 929 automjete.

Në sportelet e hyrjes në tokën shqiptare janë regjistruar 3228 persona, pjesa më e madhe e të cilëve janë bashkatdhetarët tanë që kthehen nga Greqia për pushime në vendlindje.

Nëpërmjet sporteleve të daljes në doganën e Kakavijës kanë udhëtuar për në Greqi 3 103 persona dhe 1 056 automjete. Gjatë ditës së hënë në sportelet e kontrollit të dokumenteve në të dyja anët e kufirit nuk ka pasur radhë pritje.

LEXONI GJITHASHTU:

• Zjarret në Dropull, bllokohet rruga Gjirokastër-Kakavijë, flakët i afrohen fshatit
• Kakavijë| Pashkët Ortodokse rrisin fluksin e lëvizjes në kufirin me Greqinë