Kakavijë, vijon fluksi në kufi për festat, 20 mijë persona lëvizën vetëm në fundjavë

Në doganën e Kakavijes vijon fluksi i lëvizjes së qytetarëve për festat e fundvitit në të dyja anët e kufirit.

Gjatë fundjavës nëpërmjet kësaj dogane kaluan në të dyja anët e kufirit me Greqinë rreth 20 mijë persona dhe 5 mijë automjete.

Pjesa më e madhe e personave që lëvizin në kufi janë bashkatdhetarët tanë që jetojnë dhe punojnë në Greqi, të cilët kthehen për të kaluar festat tek të afërmit në vendlindje.

Policia Kufitare ka marë masa për shtimin e sporteleve të dokumentave dhe evitimin e rradhëve të pritjes.

Pala shqiptare po punon me 7 sportele, 4 në hyrje të tokës shqiptare dhe 3 në dalje.

I konsiderueshëm është edhe fluksi i personave që udhëtojnë për të kaluar festat e fundvitit në shtetin grek.

LEXONI GJITHASHTU:

• Festat e fundvitit, vijon fluksi në hyrje të doganës së Kakavijës
• Kakavijë, nis fluksi për festat e fundvitit, 10 mijë persona lëvizën në 24 orë