Kalaja e Elbasanit larg historisë, ndërtesa të rrënuara

Duhej të ishte një atraksion turistik por sapo futesh ne portën kryesore të kalasë së Elbasanit pamja që të ofrohet është thjesht e shkatërruar.

Banorët e lagjes “Kala” tregojnë shqetësimin e tyre veçanërisht gjatë stinës së nxehtë ku për shkak të temperaturave çlirohen aromat e pakëndshme nga materialet që kanë rezultuar të dëmshme për shëndetin e njeriut.

Me shumë shqetësim prezenca e këtyre materialeve në zona të banuara shihet edhe nga kreu i klubit Ekologjik të Elbasanit Ahmet Mehmeti.

Mirëmbajtja e Kalasë së qytetit të Elbasanit si një monument kulture është në varësi të ministrisë së kulturës nga e cila deri më tani nuk është bërë sa duhet për të siguruar një monument atraktiv për turistët por edhe për të garantuar shëndetin e banorëve që jetojnë në këtë zonë.