Tre persona kanë humbur jetën pas një përplasjeje helikopteri gjatë një misioni zjarrfikës në shtetin amerikan të Kalifornisë. Incidenti ndodhi të dielën në mbrëmje ku ekuipazhet e zjarrfikësve u thirrën të shuanin flakët pranë Cabazon, Riverside County.

Dy helikopterët u përplasën, njëri u ul i sigurt, pa dëme ndërsa i dyti u përplas në tokë, duke vrarë të gjithë personat që ndodheshin në bord.

Viktimat u identifikuan si kapiten zjarrfikës dhe shef divizioni nga Departamenti i Pyjeve dhe Mbrojtjes nga Zjarri i shtetit (Cal Fire), si dhe një pilot i kontraktuar. Ata nuk janë emëruar. David Fulcher, shefi i rajonit jugor për Cal Fire, e përshkroi incidentin si një “humbje tragjike”.

“Kemi humbur tre individë të mëdhenj. Tre baballarë, tre burra, tre miq, tre djem. Bijat kanë humbur baballarët, djemtë kanë humbur baballarët”,-tha ai

Fulcher tha në një konferencë për shtyp se zjarri fillimisht shpërtheu në një ndërtesë, por më vonë u përhap në bimësinë përreth. Më në fund u shua.

Helikopteri që u rrëzua po përdorej për vëzhgim, ndërsa ai që u ul i sigurt po ndihmonte në shuarjen e zjarrit. Të dy ishin kontraktuar me Cal Fire. Këto janë vdekjet e para të sezonit të zjarreve të vitit 2023, sipas të dhënave të zjarrit Cal.

LEXONI GJITHASHTU:

• Përmbytje e zjarre, katastrofë nga reshjet në Slloveni e Austri, ‘digjet’ Portugalia
• EMRI| Kush është ndërtuesi që humbi jetën pas sherrit me grushte në Vlorë