Kallas: Bosnja të përshpejtojë reformat për në BE, mundësia mund të mos jetë e hapur gjithmonë
Shefja e politikës së jashtme të Bashkimit Evropian, Kaja Kallas, u bëri thirrje të enjten udhëheqësve të Bosnjë dhe Hercegovinës të përshpejtojnë reformat e nevojshme për anëtarësimin në BE, duke paralajmëruar se mundësia aktuale për zgjerim nuk do të mbetet e hapur pafundësisht.
Gjatë një vizite te trupat e misionit EUFOR Althea, Kallas theksoi se reformat e qëndrueshme janë mënyra më e shpejtë dhe më efektive për të avancuar procesin e integrimit evropian, duke nënvizuar se progresi politik është vendimtar për të ardhmen e vendit.
Ajo deklaroi se anëtarësimi në Bashkimin Evropian mbetet garancia më e fortë për stabilitetin dhe mbrojtjen ndaj pasigurisë politike dhe ndërhyrjeve të jashtme.
“Dritarja aktuale e mundësisë për anëtarësim mund të mos jetë e hapur përgjithmonë”, tha Kallas, duke u bërë thirrje autoriteteve boshnjake të përshpejtojnë zbatimin e reformave.
Kryediplomatja evropiane shtoi se BE-ja do të vazhdojë të mbështesë Bosnjë dhe Hercegovinën në rrugën drejt integrimit, por theksoi se ritmi i progresit varet nga vendimet që merren në vend. Ajo paralajmëroi gjithashtu se vonesat në zbatimin e reformave të dakordësuara i kanë kushtuar Bosnjës fonde të konsiderueshme nga BE-ja dhe mund të sjellin humbje të tjera nëse procesi vazhdon të ngecë.
Trump: Shtetet e Bashkuara shpenzojnë më shumë para për NATO-n se çdo vend tjetër
Lituania shfuqizon dispozitën kushtetuese që ndalon armët bërthamore
Një tërmet i fortë godet Greqinë, sa ishte magnituda
- 16:05 Bisedimet SHBA-Iran, ndërmjetësuesit: Negociatat do të rifillojnë pas funeralit të Ajatollah Ali Khamenei
- 16:01 Detaje të reja nga ngjarja në Podujevë, katër të plagosurit raportohen jashtë rrezikut për jetën
- 15:54 Përfshihet nga flakët një mjet në Korçë, zjarrfikësja në vendngjarje (VIDEO)
- 15:50 KLP hap garën për Prokurorin e Përgjithshëm, kandidatët 30 ditë afat për të bërë aplikimet
- 15:39 Tensionet para Parlamentit, reagon UGSH: Aktet e dhunës mbi gazetarët në procesin raportues janë krim
- 15:16 Inceneratori i Tiranës, SPAK dërgon për gjykim të akuzuarit