Kalon për gjykim çështja ndaj kryebashkiakut të Kuçovës Kreshnik Hajdari

Ka kaluar për gjykim çështja ndaj kryebashkiakut të Kuçovës Kreshnik Hajdari.

Burime për Euronews Albania, bëjnë me dije se avokati i tij Dheodhori Sollaku kërkoi gjykim të shkurtuar që u pranua nga gjykata.

Sipas SPAK, Hajdari nuk ka deklaruar në formular dënimin e tij të marrë në Greqi për kalim të jashtëligjshëm të kufirit në vitin 1999.

Më 15 nëntor, SPAK mori si të pandehur Kreshnik Hajdarin pasi i njoftoi akuzën për falsifikim të formularëve.

Sipas Prokurorisë së Posaçme, ai ka shkelur nenin 190/2 të Kodit Penal, që parashikon dënim nga 6 muaj burg deri në 5 vjet, si pasojë e mosdeklarimit të procesit gjyqësor ndaj tij në Greqi në formularët e dekriminalizimit dy herë, nga viti 2019 e në vazhdim.

LEXONI GJITHASHTU:

• Kurti: Serbia me “metodat e Putinit” rrezik për Kosovën dhe vetë qytetarët serbë
• Fshehu dënimin në Greqi, kryebashkiaku socialist del përpara GJKKO