Kanadaja: Nuk është koha e duhur për të dërguar trajnues ushtarakë në Ukrainë

Kanadaja ka vendosur të ndalojë dërgimin e trajnuesve ushtarakë në Ukrainë.

Sipas mediave të huaja, lajmin e ka bërë të ditur ministri i Mbrojtjes së Kanadasë, Bill Blair.

Duke folur me gazetarët pas një samiti të NATO-s, Bill Blair tha se rrethanat për një veprim të tillë nuk ishin “të duhurat” për momentin.

“U diskutua për një mision të NATO-s për të përmirësuar stërvitjen. Për momentin, rrethanat nuk janë të përshtatshme për të vendosur, sipas mendimit tim, trajnuesit ushtarakë kanadezë në Ukrainë,” tha ai.

“Ka, mendoj, një shqetësim mjaft të kuptueshëm për zgjerimin e një misioni stërvitor në Ukrainë në kohën e tanishme”, shtoi ai më tej.

Kanadaja ka ndihmuar në përgatitjen e më shumë se 40,000 ushtarëve ukrainas që nga viti 2015, por vendosi të tërheqë kontingjentin e saj të trajnimit nga Ukraina perëndimore pak para fillimit të luftës.

Shtëpia e Bardhë ka thënë gjithashtu se nuk po planifikonte të dërgonte trajnues ushtarakë amerikanë në Ukrainë.

LEXONI GJITHASHTU:

• Verstappen mundi Norris për fitoren në Kanada
• Kanadaja premton të rrisë shpenzimet për mbrojtjen