Kandidatët e Komisionit të Rithemelimit që do të garojnë në zgjedhjet e 6 marsit do të mbështeten nga disa parti dhe emri i koalicionit do të vendoset ditët në vazhdim.
Lajmi njoftohet nga Arben Ristani, i cili ndodhet në Vorë për të ndjekur zgjedhjet paraprake brenda grupimit.
“Besoj që jemi drejt një koalicioni dhe kandidatët do të jenë të mbështetur nga një koalicion partish”, u shpreh ai.
Që prej mëngjesit të sotëm ka nisur procesi i votimit në 6 bashkitë e vendit, për të zgjedhur kandidatët e Komisionit të Rithemelimit që pritet të garojnë në zgjedhjet lokale.