Kandidatët për KQZ, Rusmaili i privilegjuari i PS-së

Komisioni i Posaçëm Parlamentar përfundoi intervistat me kandidatët që aspirojnë të bëhen pjesë drejtuese e tri hallkave të Komisionit Qendror të Zgjedhjeve. Ditën e sotme u zhvilluan intervistat edhe me kandidatët më potencial që kishin aspiruar për t’u zgjedhur si kryekomisioner, Ilirjan Celibshi dhe Ilir Rusmali. Se kush ishte më i preferuari i maxhorancës u dallua që tek minutazhi që i lanë secilit kandidat.

Intervista me Celibashin nuk shkoi as katër minuta nga 5 që ishte koha maksimale ndërsa me Rusmalin minutat u katërfishuan ku për 18 minuta ai parashtroi qëndrimin e tij për drejtimin e KQZ-së por edhe dëgjoi vlerësimet si nga shumica ashtu edhe nga opozita parlamentare. I vetmi që nuk bëri koment ishte Oerb Bylykbasi i Partisë Demokratike, parti në të cilën Rusmali më parë ka qenë deputet, Ministër madhe edhe zëvendëskryeminstër i Sali Berishës.

Në mbyllje të mbledhjes përfaqësuesit e secilës palë nxorrën edhe meraqet e tyre në komisionin qendror të zgjedhjeve. I pari ishte Mylsim Murrizi i cili kërkoi që nga KQZ-ja të qëndrojnë njerëz që kanë pasur lidhje pushtetin apo me zgjedhjet e shkuara.

Por kjo kërkesë e tij nuk gjeti dakordësinë e Damian Gjiknurit, i cili e bëri të qartë se çfarë oreksesh duhet të plotësojë një individ për tu bërë pjesë e Komisionit Qendror të Zgjedhjeve.

Opozita jo parlamentare kishte merakun e vjetër, vonesa në ngritjen e KQZ-së e cila për pasojë sjell edhe vonesën e teknologjisë në zgjedhje:

Pas intervistave do të vijohet me fazën tjetër, atë të skualifikimeve dhe përzgjedhjeve të kandidatëve të cilët më pas do të shkojnë për votim në seancë plenare.