Kandidati i PS për deputet: Fokusi im, të rinjtë. Ja problemet kryesore që kanë

Glinxhet Madhi, kandidati për deputet i Partisë Socialiste në qarkun e Tiranës, ishte këtë të diel i ftuar në “Review” në Euronews Albania ku tha se fokusi i tij janë problemet e të rinjve.

Madhi tha se fushata e tij si kandidat për deputet do të përqendrohet te problemet e përditshme të të rinjve, pasi sipas tij dikush që i njeh nga afër problemet mund të ndihmojë më tepër.

“Te votuesit në fakt unë flas për problemet e përditshme të të rinjve. Unë kam target të rinjtë, pasi kam të njëjtat halle e probleme, ndaj më intereson se çfarë do bëjë Partia Socialiste për të rinjtë. unë Shqipërinë tani e shikoj shumë më mirë se para disa vitesh, ndaj unë do i besoja votën një force politike që sjell ndryshim. Unë besoj se kemi probleme në çdo sektor, por kemi pasur edhe përmirësime”,-tha kandidati socialist.

I pyetur se çfarë janë disa nga problemet kryesore të të rinjve, Madhi tha:

“Fokusi te të rinjtë është se si të dalin në tregun e punës, pa dashur të ikin jashtë shtetit. Pra të kenë siguri te paga, të kenë benefite të tjera si studentë”.

LEXONI GJITHASHTU:

• Rama me të rinjtë në Vlorë: Reforma në drejtësi meritë e PS, ne ja dhamë shpatën
• PS 20 mandate në Tiranë? Gjylameti: Nuk është çështje numrash, por çështje vlerash