Kandidati për guvernator në Karolinën e Veriut padit rrjetin CNN për shpifje

Padia, e dorëzuar në Gjykatën e Lartë të Qarkut Wake, vjen pas një raporti të CNN-së më 19 shtator, që përmendte postime të Robinsonit nga më shumë se një dekadë më parë, ku ai e quante veten “nazist zezak” dhe shprehte preferenca të kontestuara për figura historike.

Ky raport ka çuar në distancimin e disa zyrtarëve republikanë, përfshirë Donald Trump.

Gjatë një konference shtypi në Raleigh, Robinson e hodhi poshtë raportin e CNN-së, duke theksuar se informatat e tij personale ishin komprometuar nga sulme të mëparshme nga hakerët.

Ai e quajti këtë një “linçim të teknologjisë së lartë” dhe një përpjekje për të shkatërruar fushatën e tij.

Padia kërkon të paktën 50 milionë dollarë si dëmshpërblim dhe pretendon se është pjesë e një sulmi të koordinuar ndaj tij. Robinson, i cili u zgjodh zv/guvernator në vitin 2020, ka fituar popullaritet për fjalimet e tij pro armëve dhe për mbrojtjen e policisë.

CNN nuk ka komentuar mbi padinë e Robinsonit.

LEXONI GJITHASHTU:

• Arrestohet ish-gazetari i Radios Evropa e Lirë në Teheran, zbardhet shkaku
• “Albanians for Trump”, fushata pro ish-presidentit nga shqiptarët në Amerikë