“Albanians for Trump”, fushata pro ish-presidentit nga shqiptarët në Amerikë

Më 16 tetor, në Michigan do të zhvillohet një ngjarje e rëndësishme për komunitetin shqiptar në Shtetet e Bashkuara, titulluar “Eventi Shqiptaro-Amerikan”.

Ky aktivitet do të përfshijë folës të njohur, përfshirë diplomatin Richard Grenell, këngëtaren shqiptare Bleona Qereti, si dhe Nik Gjonaj kandidat për ekzekutivin e Qarkut Oakland.

Ngjarja është pjesë e një fushate për mbështetje të Donald Trump nga komuniteti shqiptar, nën sloganin “Shqiptarët për Trump”.

Qëllimi është bashkimi i shqiptarëve që ndajnë të njëjtat pikëpamje politike dhe dëshirojnë të shprehin mbështetje për ish-presidentin amerikan.

Richard Grenell, i njohur për marrëdhëniet e tij të ngushta me administratën Trump dhe si i dërguar i posaçëm për dialogun Kosovë-Serbi, do të jetë një nga folësit kryesorë.

Gjonaj i cili është thellësisht i angazhuar ndaj komunitetit shqiptar, është njëri nga themeluesit e Organizatës Shqiptaro-Amerikane të Studentëve (AASO) dhe është nderuar me çmimin “Shqiptari i Vitit” për shërbimin e tij të jashtëzakonshëm për komunitetin.

Po ashtu, Bleona Qereti, e cila ka bërë emër si artiste ndërkombëtare, do të kontribuojë në promovimin e komunitetit shqiptar në skenën politike amerikane.

Ky event pritet të mbledhë shqiptarë nga të gjitha trevat e SHBA-së, duke forcuar lidhjet dhe mbështetjen për politikat dhe kandidaturën e Donald Trump.

Komuniteti shqiptar shpreson se kjo ngjarje do të sjellë më shumë njohje dhe përfaqësim në politikën amerikane.

LEXONI GJITHASHTU:

• U ngjit të xhironte video për rrjetet sociale, bie nga ura e humb jetën britaniku
• Afron dita e zgjedhjeve në SHBA: Garë e ngushtë mes kandidatëve! Harris sulmon Trump