Afron dita e zgjedhjeve në SHBA: Garë e ngushtë mes kandidatëve! Harris sulmon Trump

Kamala Harris përdori një tubim elektoral në Karolinën e Veriut për të goditur Donald Trump për përhapjen e keqinformimit mbi përgjigjen e administratës Biden ndaj katastrofave natyrore.

Kandidatja demokrate vlerësoi “heronjtë” që po ndihmojnë banorët, pa marrë parasysh përkatësinë politike të tyre. Ajo kritikoi ashpër ata që përpiqen të sigurojnë avantazh politik nga vuajtjet e të tjerëve, duke thënë se nuk ishte koha për të nxitur frikë dhe se liderët nuk e bëjnë një gjë të tillë.

Donald Trump bëri një seri deklaratash të rreme pas ardhjes së uraganit “Helen”, duke thënë se Uashingtoni po mbante peng ndihmat për banorët republikanë në Juglindje.

Ndërsa Harris foli në Grinvill, Biden ishte në Florida për të inspektuar zonat e dëmtuara nga uragani. Presidenti u shpreh i kënaqur që uragani “Milton” nuk ishte aq fatal sa e kishin përshkruar zyrtarët, por sërish kishte rezultuar një katastrofë për shumë njerëz.

Me vetëm 22 ditë nga zgjedhjet presidenciale të 5 nëntorit, gara është më e ngushtë se kurrë. Një sondazh i ri i CNN tregon se asnjë nga kandidatët nuk ka një avantazh të fortë, duke i dhënë 50% të votave Harris dhe 47% Trump.

LEXONI GJITHASHTU:

• Obama mbështet Harris në fushatën në Pensilvani, ja çfarë tha ai për Trump
• A do të ketë një debat të dytë Trump-Harris? Ja si përgjigjet ish-presidenti