Kanosën me armë babë e bir, arrestohet 24-vjeçari në Korçë, në kërkim vëllezërit

Policia e Korçës ka vënë në pranga një 24-vjeçar të përfshirë në konfliktin me armë të një dite më parë në këtë qytet.

24-vjeçari, së bashku me 2 vëllezërit e shpallur në kërkim, shtetasit M. D. dhe Dh. D., për shkak të një konflikti për motive të dobëta, kanë kanosur fillimisht shtetasin F. R. dhe më pas babanë e tij. Gjithashtu, dyshohet se me qëllim kanosjen e këtyre shtetasve, shtetasi M. D. ka qëlluar me armë zjarri, në ajër, bëri me dije policia.

Në vijim, nga verifikimet rezultoi se shtetasi i arrestuar M. S., aktualisht ka qenë me masë sigurie “Arrest në shtëpi”, për prodhim dhe shitje narkotikësh. Vijon puna për kapjen e shtetasve M. D. dhe Dh. D, vëllezër.

LEXONI GJITHASHTU:

• Kanosën administratorin e një kompanie të tërhiqej nga tenderi, arrestohen 3 persona
• Sherr masiv në një lokal në Malësinë e Madhe, 7 persona qëllohen me njëri-tjetrin