Kapen 161 kg kokainë në Selanik, mes të arrestuarve edhe shqiptarë

Policia maqedonase bashkë me atë greke kanë kapur 161 kilogramë kokainë të cilësisë së lartë në portin e Selanikut, që kanë dashur t’i kontrabandojnë shtetas grekë, shqiptar dhe maqedonas.

Droga ka qenë e trafikuesve tashmë të arrestuar në një aksion të mëparshëm.

Lënda narkotike u gjet me ndihmën e qenve nuhatës dhe mjeteve digjitale. Ishin vendosur në dyshemenë e disa kontejnerëve të krijuara në mënyrë të veçantë për këtë dërgesë. Gjithsej 100 pako kokaine ishin fshehur në kontejnerë.

Hetimi është bërë në bashkëpunim me DEA-n amerikane dhe qendrën për zbatimin e ligjit në Evropën Juglindore – SELEK.

LEXONI GJITHASHTU:

• Drogë nga Amerika e Jugut drejt Evropës, kapet varka me 1 ton kokainë në Portugali
• EMRI| Arrestohet në Shkodër 47-vjeçari i dënuar me 14 vjet burg për drogë në Itali