Kapen 7 parcela me drogë në Mirëditë, arrestohet 27 vjeçari dhe kryeplaku i fshatit

Policia në Mirëditë ka arrestuar një 27 vjeçar, i dyshuar për kultivim të bimëve narkotike. Shtetasi me inicialet E. Ç., banues në fshatin Batra kishte kultivuar në 7 parcela të ndryshme në distancë nga njëra tjetra, 374 bimë kanabis sattiva.

Parcelat ndodheshin në afërsi të fshatit të tij në vendin e quajtur “Përroi Batrajve”. Gjatë operacionit, ky shtetas u kap në flagrancë në njërën  prej tyre , duke u kujdesur për bimët narkotike në orët e vona të mbrëmjes.
Gjatë kontrollit të banesës së shtetasit E. Ç., është sekuestruar një armë gjahu çifte pa leje si dhe është bërë bllokimi i po një arme tjetër gjahu me leje.

Në vijim të hetimeve , është identifikuar shtetasi J. M., 33 vjeç, si bashkëautor në këtë aktivitet. Edhe ky i fundit është i dyshuar për veprën penale “Kultivimi i bimëve narkotike” e kryer në bashkëpunim, ku vijon puna për kapjen e tij.

Gjithashtu u procedua penalisht për shpërdorim detyre edhe shtetasi S. Gj., me detyrë kryeplak i fshatit Batra. Ky shtetas dyshohen se nuk ka kryer detyrën e tij funksionale, në zonën që mbulon.

Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë.

LEXONI GJITHASHTU:

• Shkoi të ndihmonte banorin për të ndërruar gomën, aksidentohet dhe vdes polici
• Sherr masiv mes të rinjve dhe efektivëve, polici qëllon me shkop gome qytetarin