Shkoi të ndihmonte banorin për të ndërruar gomën, aksidentohet dhe vdes polici

Një efektiv policie ka humbur jetën teksa i ka ardhur në ndihmë një banori në fshatin Mlizë të Elbasanit, për të ndërruar gomën e një rimorkioje të ngarkuar me një depozitë metalike.

Efektivi 62 vjeçar, Edmond Brahimaj, ndodhej jashtë shërbimit të punës, kur ka shkuar t’i vijë në ndihmë banorit të zonës.

Në momentin që ka hequr krikun, depozita e ujit është rrëzuar nga rimorkoja duke zënë poshtë efektivin. 62-vjeçari ka ndërruar jetë si pasojë e plagëve të marra.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Ditën e djeshme, në fshatin Mlizë, shtetasi E. B., 62 vjeç, (punonjës policie jashtë orarit të shërbimit), i ka dhënë ndihmë një shtetasi, banor i zonës, për të ndërruar gomën e një rimorkioje të ngarkuar me një depozitë metalike uji.

Në momentin që ka hequr krikun, aksidentalisht depozita e ujit është rrëzuar dhe për pasojë ka dëmtuar rëndë shtetasin E. B., i cili ka humbur jetën në spital”, thuhet në njoftimin e policisë.

LEXONI GJITHASHTU:

• Po kryente punime në një banesë, aksidentohet rëndë 27-vjeçari në Pogradec
• Aksident në Shkodër| Shoferja humb kontrollin e makinës, përplas një 14-vjeçare