Kapen 8 kg kokainë dhe sekuestrohen 200,000 euro cash në Angli, arrestohet shqiptari

Një 27-vjeçar shqiptar është arrestuar në Britani, pasi u kap duke transportuar 2 kilogramë kokainë në perëndim të Londrës.

Bëhet fjalë për një të ri nga Shqipëria, i cili u arrestua nga oficerët e Partneritetit të Krimit të Organizuar në Brentford High Street. Gjatë kontrollit të automjetit, policia gjeti një strehë të sofistikuar në bagazh ku ndodheshin 2 kilogramë kokainë dhe rreth 50,000 £ cash, sipas NCA.

Po ashtu, oficerët kryen një kontroll edhe në një apartament në Brentford, ku zbuluan 6 kilogramë kokainë dhe rreth 150,000 £ cash.

I riu shqiptar u arrestua dhe akuzohet për trafikim droge. Ai u paraqit para Gjykatës së Magjistraturës së Westminsterit të mërkurën dhe po mbahet në paraburgim përpara se të dalë përpara Gjykatës së Kurorës Isleworth më 6 shkurt.

LEXONI GJITHASHTU:

• Përgjysmohet koha e nxjerrjes së dokumenteve biometrike për shqiptarët jashtë vendit
• 107 emigrantë u shpëtuan në Francë për Krishtlindje, po tentonin të arrinin në Angli