Kapet 1.3 ton kokainë në Bari, dyshohet se ‘truri’ i ngarkesës një shqiptar

Mbi 1.3 ton kokainë u sekuestrua nga antimafia italiane në portin e Savonës në Bari, pasi zbarkoi aty përmes një anijeje tregtare të ardhur nga Brazili.

Hetimet e kryera deri tani, rezulton se ngarkesa i përket një grupi të strukturuar kriminal shqiptar, në bashkëpunim të ngushtë me mafian italiane që vepron në qendër të vendit fqinj.

Operacioni i kryer të mërkurën është vijim i operacionit të zhvilluar më 2 janar ku në një apartament në komunën e Celle Ligure, u sekuestruan 353 kokainë dhe u arrestuan 4 shtetas të tjerë shqiptarë.

Hetimet e mëvonshme bënë të mundur marrjen e informacionit në lidhje me mbërritjen në portin e Savonës të një anijeje tjetër tregtare nga Brazili, me flamur të Hong Kongut, në të cilën fshihej një ngarkesë e konsiderueshme kokaine.

Aktiviteti i kryer nga zhytësit e Seksionit të Operacioneve Detare të Savonës, bëri të mundur gjetjen dhe sekuestrimin e kokainës të fshehur me mjeshtëri në motorin e anijes tregtare.

Mediat italiane shkruajnë se nga operacioni në total janë arrestuar 14 persona, 5 prej te cilëve shqiptarë.

LEXONI GJITHASHTU: 

• I shpallur në kërkim ndërkombëtar për drogë, arrestohet 32-vjeçari në Durrës
• Godet Rita Petro: Edhe të mbuluarat me shami tradhtojnë
• Pse tradhëtojmë? Mjeku i njohur: Nuk është sëmundje, ka një pjesë të trurit që…