Kapet në flagrancë me makinën që kishte vjedhur, arrestohet 35-vjeçari në Tiranë

Policia e Tiranës ka arrestuar në flagrancë një 35-vjeçar, i cili u kap teksa lëvizte me një automjet që e kishte vjedhur në zonën e Yrshekut.

Operacioni u zhvillua nga shërbimet e Komisariatit të Policisë Nr. 6, pas një njoftimi të marrë për vjedhjen e një automjeti në këtë zonë periferike të kryeqytetit.

“Menjëherë pas sinjalizimit, forcat e policisë organizuan punën për identifikimin dhe lokalizimin e autorit. Si rezultat i reagimit të shpejtë, në Rrugën e Qelqit u bë e mundur kapja dhe arrestimi në flagrancë i shtetasit D. K., 35 vjeç, banues në Tiranë, i cili po drejtonte mjetin e vjedhur”, njofton policia.

Sipas policisë, automjeti i tipit “Volkswagen”, në pronësi të shtetasit M. E., ishte vjedhur në oborrin e banesës së këtij të fundit në Yrshek.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme, ndërsa hetimet vijojnë për të zbardhur nëse 35-vjeçari është i përfshirë në raste të tjera të ngjashme të vjedhjeve të automjeteve në kryeqytet.

• Goditi me grusht policin në Fier, 32-vjeçari i shpallur në kërkim kapet në Tiranë
• Aksioni për lirimin e hapësirave publike, arrestohen 10 persona gjatë 24-orëve